點樣喺英國開始學習駕駛？

大家好，小妹又黎啦！見到越來越多人問如何喺英國開始學習駕駛，所以想同大家分享一下一啲重要或關鍵嘅事項。

首先，係關於取得學習駕駛執照嘅資格。有人會認為大家要喺英國逗留185日之後先可以申請學習駕駛執照。但係，呢個政策係改變咗啦，而家基本上只要大家有BNO簽證，並且允許喺英國逗留超過185日，即使大家係喺英國嘅第1日，都有資格申請學習駕駛執照。注意，旅遊簽證係唔得嘅，因為就算大家拎住 BNO 入境，大家個有效期只有 180 日，係唔符合資格嘅。

其次，係關於幾時可以開始搵教練學習學車。喺英國唔同香港，通過筆試並唔係參加駕駛課程嘅必要條件。所以，一旦大家收到學習駕駛執照，大家就可以開始跟教練教車。但係，通過考咗筆試先確實會幫助大家嘅學習，因為大家會學到有關駕駛嘅基本理論同知識，尤其係某啲駕駛情境、規則同道路標誌。而啲教練亦有機會要求大家喺上課之前要考左筆試先。所以，大家可以自行選擇幾時開始學習。

不過，無論教練同路試嘅數目都好有限。大家最好可以同時一齊約，以保持學習進度。最近聽番黎嘅報告，大家可能需要預訂至少6個月後嘅道路考試，所以最好留足夠嘅時間喺學習駕駛方面。

另外，亦都有人可能會問，我應該透過駕駛學校還是個人教練預約呢？不過，你當地的仲有空位嘅教練數量非常有限。只要可以 Book 到教練，就當你贏。不過，當然唔係係又 Book 唔係又 Book，因為同香港一樣，唔理係公司定私人嘅教練，都會有好有唔好嘅，亦都有啲收完錢就唔見人或者再派唔到時間俾你。所以，可以的話，最好堂堂清，盡量唔係預繳，就算真係要都好，都盡量比最少個數額同用銀行過數或卡比錢。一來係保障自己，唔會損失得太多。二來，可能大家會同個教練唔夾，咁你都有個彈性可以轉教練。

最後，係關於道路考試嘅要求。其中一個要求係考試當日大家需要喺英國居住滿185日。但通常情況下，當大家路試訂到去6個月之後，大家已經係英國逗留夠185日啦。

如果大家有任何問題，歡迎喺下面留言同小妹聯絡，小妹會嘗試解答大家嘅。

大家都可以參考一下小妹嘅另一篇文章
>>> 香港轉UK Full License 可唔可以傍住L牌之迷思 <<<