喺香港，好多手續都可以比經紀跟進，有咩事又可以投訴追討，英國唔係唔得，不過人生路不熟，冇咁方便而用嘅時間又會長好多。所以，最好都係喺出手之前做好一啲基本查冊，而呢邊比香港好嘅係，透明度好高，政府查冊又唔洗點俾錢，咁樣就會慳番唔少冤枉錢同時間。
今次揀咗「買車」同「租樓」同大家介紹一下，你可能會問，點解唔講下買樓？主因係買樓一來複雜好多，二來大家多數會聘用本地律師幫手，好多野唔會自己嚟。
好啦，首先，由租樓開始。
大家搵樓，多數都係揀左心儀嘅區域，再搵心儀嘅屋，搵到之後就會聯絡經紀睇樓，睇啱之後就傾價錢簽約俾錢。大工告成。喂。。。等等先，大家有冇諗過其實同你簽約嘅係唔係真正嘅業主？由於呢邊啲經紀太 HEA 嘅關係，佢咃未必會親自去查冊，求其信聲稱係業主嘅人所掀供嘅文件。
所以，大家簽約同俾錢之前，最好自己去政府網站俾 £3 查一查冊，睇下你想租個地方個真正業主係邊一個，又睇下有冇其他嘅限制或者問題影響份租約。過程好簡單，入完個 Postcode 之後，揀番啱個地址就可以。咁大家都住得安心，大拿拿話晒一炮過都俾起碼半年租金丫嘛。
傳送門：https://search-property-information.service.gov.uk/
再黎，就講下買車，睇車驗車就唔同人都有唔同嘅標準同接受程度。所以，本文章都係介紹一下唔同嘅網上查冊。呢邊買車，多數會 po 埋個車牌號碼喺廣告，而有呢一個車牌就已經可以查到好多嘢。
首先，講講免費嘅 MOT History Service Check，只要你輸入車牌號碼，佢就會提供所有過往嘅 MOT 紀錄、車輛基本資料同埋有冇未完成嘅原廠零件回收。如果只係要求行得走得嘅一架車，基本上呢個查冊都夠用。
而好多香港人亦都會比錢做一個全名叫 Hire Purchase Investigation 嘅 HPI Check。而呢個一查冊，除上提供上面免費嘅資料外，仲會提供：車會供款情況、有冇比保險公司 write-off 過、偷竊、幾首車、里數歷史、底盤號碼…等等更詳盡嘅資料。呢個服務由幾鎊到十幾鎊不等，大家可以自行選擇自己喜歡嘅。
呢兩個查冊其實就係用嚟對証一下賣家提供嘅資料正唔正確。如果連基本資料都呃你嘅，車都唔洗睇就可以 NEXT！因為，就算架車姆靚都好，都唔知有冇問題。當然，識驗車睇車整車另作別論。
最後，再介紹一下小編自己用開嘅車保公司 Marshmallow，佢係其中一間接受香港 NCB 嘅網上保險公司，冇門市冇經紀，有咩都喺 App 入面自己處理。我自己就覺得幾方便，因為有時打上去 CS 如果駁左去印度人度真係聽到頭都大埋，打字溝通一來白紙黑字，二來有咩唔識可以用 Google 翻譯。而大家經我下面條 Link 申請同埋使用 Marshmallow 保險服務 6 個月或以上就可以拎到 £25 嘅 Amazon 禮品卡，未申請嘅可以考慮一下。
>>> 申請傳送門： Marshmallow <<<
>>> 禮品卡條款傳送門： Marshmallow Referral T&C<<<
這篇文章含有廣告連結。如果你透過本文章連結申請,你所做嘅申請完全一樣,但HONGKONGIN.UK 可以得到佣金維持運作。十分感謝。
This article contains affiliate links. If you apply through these links, you will see the same application process, but HONGKONGIN.UK will receive a commission to maintain its operations. Thank you very much.
